Cheapboss Private » 未有分類

期權大師

cheapboss — Wed, 22 Jul 2009 17:11:14 +0000

小弟一向貪小便宜, 又想學人投資, 所以最愛去聽 d cheap cheap 投資講座, 由其係講期權嗰 d, 好似以往大福 d 權友聚會等, 小弟有空都會去 hea 吓.

期權大師杜嘯鴻, 杜 sir 以前就響大福度做顧問, 兼任權友會嘅主持, 我都係響聚會上識佢, 覺得佢都幾肯 share 經驗, d 嘢幾啱聽; 可惜佢最近巳經離開大福, 自己出去揾食了.

上杜 sir 個 web, 得知佢出咗本新書講期權, 叫《期權 Long & Short》,響今期嘅書展展銷, 於是特登放工後, 撲去灣仔會展捧吓佢塲, 聽新書推介會, 同埋買書兼揾佢簽個大名.

不過今年書展場地超大, 淨係要揾佢個 booth, 都唔係一件易事. 同塲見到唔少知名人仕, 石鏡泉, 劉天賜, 司徒法正等, 不過最可惜見唔到 d o靚模.

炎炎夏日, 去書展睇書嘆冷氣, 不失為一個好節目.

靚模世代

cheapboss — Sat, 18 Jul 2009 11:30:40 +0000

呢期日日打開報紙 C1 版, 都係d o靚模嘅新聞, 其實作為一個鹹濕伯苦, 我都算好 out 吓, d o靚模邊個打邊個, 完全冇印象, 淨係識得個四葉草女趙碩之, 同埋地鐵廣告之花周秀娜, 又名露雲娜; 其她胸軍部隊, 咩 Kama, E cup baby, Janice Man 只聞其名.

今日睇今期壹仔, 先識多個 Angelababy, “出生於上海, 父母是在當地開鋪賣衫的香港人. 每年暑假, 來香港住在嫲嫲家遊樂, 持的是香港證件, 不是新移民, 不帶鄉音, 沒有半分娘味. 用香港人身份繼續留在上海升高中, 學費會大增. 於是, 趁中三, 轉校到港, 就讀於九龍城聖母院書院…”

哦, 原來係校友, 攪到我都想去書展睇吓佢先.

倒樓之謎

cheapboss — Sat, 04 Jul 2009 00:48:56 +0000

得閒上 newsgroup 睇, 竟然俾我發現, 上海市”蓮花河畔景苑“倒樓之謎.

27/06 凌晨 5:35, 蓮花河畔景苑樓盤的 7 號樓, 在一分鐘內迅速整體倒塌, 引起全國廣泛關注.
網民回應:
- 整體倒塌,典型的短樁現象,為節約成本,偷工減料得厲害;
- 支持保留現場, 上海從此多了一道世界級景觀, “上海臥樓”;
- 強力要求樓間距至少超過樓高, 不然樓倒了會秧及前後樓;
- 扶起來, 洗乾淨又可以繼續賣;
- 中國玻璃質量驚呆世界, 你睇番 d 相, 冇幾幅窗 d 玻璃爆咗;
- 預示上海樓市要倒了.

北極企鵝

cheapboss — Wed, 01 Jul 2009 01:28:34 +0000

我問大人北極有冇企鵝, 連佢都知北極有北極熊, 但係就冇企鵝, 只有南極先至有企鵝. 民賤聯副主席張國鈞律師嘅地理常識, 真係連大人都不如.

弄瓦之喜

cheapboss — Wed, 27 May 2009 13:57:42 +0000

最近真係好多嘢攪, 買咗部新腦, 要 setup, 跟著上 Windows Server 2008, 起 php5, upgrade 我嗰 website 啲 php4 code 去 php5. 左攪右攪, 不可開交.

不過幾多嘢攪, 都要留幾隻字俾老友 Robert 仔, 熱烈恭賀佢榮升第二任老豆, 明珠入掌, Sharin 順產, Kyle 仔多咗個妹妹, 從前三人行, e 家成了四口之家, 可喜可賀.

老友一家身在美國, 無以為禮, 囡囡如未改名, 小弟才梳, 敢用不學無術嘅姓名學獻字, 望為老友略盡綿力; 禮數不周, 多多恕罪.

術數測市

cheapboss — Sun, 01 Feb 2009 08:40:25 +0000

路透香港1月23日電 (記者 James Pomfret) — 香港多位風水大師表示, 即將迎來的中國農曆牛年將出現全球金融危機進一步惡化、甚至武力衝突增多的局面, 不過他們表示牛年也並非全是凶兆.
身為亞洲金融之都之一的香港非常推崇風水師和算命人士, 他們利用中國傳統陰陽理論占卜吉凶、為顧客提供投資理財建議等.
下週一將正式迎來中國農曆牛年, 今年可能成為包括美國總統奧巴馬在內所有人都會頭疼的一年.
“牛年將是九紫火年, 因此火能非常密集… 這可能帶來大火之災, 或者戰事、種族衝突等類似災難”, 香港風水師Raymond Lai 表示.
香港卜卦師楊天命 (Alion Yeo) 認為, 全球金融市場今年5月和6月將再次出現巨變. 他之前曾預測出2008年的金融震盪, 以及世界東方會發生一次重大災難.
“屆時將再出現一次重大危機, 美國會再次出現泡沫破裂, 而且會比去年更為嚴重”, 楊天命稱. 他的客戶中包括香港頂級銀行家和娛樂明星等.
風水大師蘇民峰 (Peter So) 也認為, 2009年依然陷入逆流. 他在香港擁有自己的電視節目, 其作品遍佈香港書店.
“我們得等到2011年至2015年間的年份, 才會呈現較為穩定的時期. 每12年我們會經歷一個經濟週期, 現在牛年是一個過渡年份.”
但蘇民峰用一連串的風水術語解釋說, 牛年銀行業、航運業、旅遊業等利好, 因為這些行業跟”水”有關.
“現在沒人願意股票增倉, 但現在當然是最好的買入時機, “他表示說, 並表示他在本周買進了銀行業巨頭滙豐控股的股票.
風水師們還對奧巴馬進行了預測, 認為他儘管生在牛年, 但今年將面臨艱巨挑戰.
“在2009年, 奧巴馬將遭遇命運與厄運的對撞. 他會面臨一系列事件, 可能令他陰溝翻船, 主要是執政難題”, 蘇民峰說.
但儘管所有不利因素, 他們認為2009年仍會屬於否極泰來的一年.
“在8月可能會有好消息”, 楊天命稱, “我堅信年底前會開始穩定下來”.

註: 某程度上, 我並不排斥風水命理等之玄學, 但係, 咸豐年前根本就冇咩股市滙市, 金融証券, 就算玄學術數再利害, 以前流傳落嚟 d 古法, 又點樣可以用嚟測市? 術數測市之說, 簡直係謊天下之大謬.

以我理解嘅風水, 基本上就似係一種模型 (model), 風水挌局為之 conceptual model, 響靚 model 度輸入 d 靚數據, 咩左青龍, 右白虎, 南朱雀, 後玄武, 就得出靚嘅居住環境; 現代城規同建築, 好多呢 d 規則都仍然適用.

至於命理術數, 我則理解為古法之統計學, 好似咩時辰八字出世嘅人, 到某年某月會發達嘅機會大 d 等等; 不過，呢門學問嘅局限性非常之大, 皆因現代環境, 人脈關係錯綜複雜, 以此等玄學預測現代經濟體系之市塲變化, 就更加係得啖笑, 影響市塲嘅因素實在太多, 當中包括有無窮無盡嘅中外經濟走勢, 更加有史無前例嘅次按危機, 金融海嘯等, 又點會俾呢 d out 晒 date 嘅玄學可以洞悉呢?

有曰: 差之毫釐, 謬之千里; 如果係都要用玄學測市嘅升跌, 不如擲毫決定算了; 公就升, 字就跌, 簡單 d, 唔洗咁煩.

九型人格

cheapboss — Tue, 04 Nov 2008 11:05:36 +0000

先排同個老同學食 lunch, 佢話我係 5 號仔, 於是上網 check 吓; 做完 180 條問題後, 得出以下結果, 咁都俾佢噏中…

九型人格分析
第五型	智慧型、觀察者、思想型、理性分析者、思考型 20%
第九型	和平型、和平者、和諧型、維持和諧者 18%
第八型	領袖型、能力型、挑戰者、保護者、權威型 13%
第六型	忠誠型、忠誠型、尋找安全者、謹慎型 9%
第四型	藝術型、浪漫者、自我型、憑感覺者 9%
第三型	成就者、事業型、成就型、實踐型 9%
第一型	完美主義者、完美型、改革者、改進型、秩序大使 8%
第七型	快樂主義型、豐富型、活躍型、創造可能者、享樂型 8%
第二型	助人者、全愛型、助人型、成就他人者、博愛型 5%

我的九型人格分析？

似誰多些

cheapboss — Sun, 06 Jul 2008 15:22:54 +0000

見老友 Robert 玩得咁高興, 我都攞大人同小恆子嚟試試先.

(設計對白) 帶埋老豆副超, 都仲係話我似媽咪多啲, 呢部機係唔係壞 Q 咗?

至友之一

cheapboss — Fri, 21 Mar 2008 06:40:32 +0000

最近冇咩心情寫 blog, 因為我比較鍾意寫啲開心嘢. 而最近最開心嘅事, 就係我嘅老友之一, 移居民美國嘅 Robert, 佢老婆同埋佢個仔 Kyle , 返咗嚟香港渡假過復活節.

佢哋結婚四載, 響美國華盛頓買屋置業兩年, Kyle 仔都有九個月大, 一路都忙著做嘢安居同埋揍仔, 已經好耐都冇時間返香港, 探吓啲親人朋友, 今次返嚟一個月, 預足時間見吓啲 friend.

今次佢哋返嚟冇去租酒店, 就住響親戚度, 而竟然咁啱就同我住埋同一個屋村, 咁當然我係佢返香港, 見嘅第一個 friend, 雖然只係匆匆十數分鐘見面…

熱切期待同 Robert 一家人一齊開心食餐勁嘅.

世界哈囉

cheapboss — Mon, 11 Feb 2008 14:23:04 +0000

Welcome to new Cheapboss Private. This is my first post using new version of WordPress and MySQL 6 on my new desktop computer. I am happy to leave a “Hello World” post and ready to get back to blog again!